شعر کردی

گوڵ و خونچه‌ی به‌هارانیش له‌تۆ نه‌شمیله‌تر نابێ
نه‌مامی عه‌رعه‌ری كۆرپه‌ش له‌تۆ خنجیله‌تر نابێ

درۆیه‌ تۆ له‌ ئینسان بی، ئه‌مه‌ ئه‌قڵم قبووڵ ناكا
په‌ریش حه‌دی نییه‌ وابێ، ئه‌به‌د حۆریش به‌تۆناگا

ژیان و كه‌عبه‌كه‌م تۆیت و به‌سه‌د كه‌عبه‌ی مه‌كه‌ت ناده‌م
گه‌رناوی تۆم له‌سه‌ر ده‌م بێ، به‌ساڵیش ناوی خوا نابه‌م
عه‌لی عارف ئاغای شاری



چه‌كوشی مه‌ڵاس له‌ ده‌ستی زبرا
چیرۆكی هیَزی ئه‌و برسیانه‌یه‌
له‌ش ئه تویَننه‌وه‌ له‌ناو ئا گرا
كاوه‌م نمونه‌ی ئه و داستانه‌یه‌

شێركۆ بێكه‌س



به‌ده‌ستی خۆت كه‌ جامت خسته‌ سه‌ر لێوت غه‌شیمانه‌
گه‌ر زه‌هریشی تێدابێ، گوناهی خۆته‌ بیزانه‌
هه‌ڵه‌ یاخود گوناهت كرد، له‌ كاتێكدا كه‌ بێ هۆشی

سزا و تاڵاوی هه‌رچیبێ، ده‌بێ وه‌ك باده‌ بینۆشی

ه‌حمه‌د هه‌ردی



شه‌وانه‌ هاونشینی جامی باده‌م
به‌ باده‌ با په‌ژاره‌ و خه‌م به‌ باده‌م
كه‌ ده‌ستی رۆژگار بایدا سه‌ری من
سه‌ری شوشه‌ی شه‌راب وا چاكه‌ باده‌م

هێمن موكریانی